"مغروم"

حجم الخط: Decrease font Enlarge font
image

بقلم مديرة تحرير موقع الشمال دوت كوم #لينا_دياب..

إنّك ترتاح لشخص مش شي عادي.. وإنّك تحب حدا من كل قلبك مش شي بيحصل كل يوم، عالأقل عند كتار..

تحبّ من كل قلبك، يعني تكون كل مشاعرك للآخر.. تخاف عليه..وما يهون عليك يصيبه أي أذى أو حزن..

تحبّ يعني إنّك تحترم وتقدّر وتصون اللي بتحبّه.. إنّك تحاول المستحيل لإسعاده..

إنّك تسأل عن أحواله.. إنّك تحاول تآزره وقت يمر بأزمة ومشاكل..إنّك تستمع له..

إنّك تأيده وقت الصح وتنبهه عالغلط، بدون ما تحسسه إنّك انتقصت من قيمته..

إنّك تكون مبسوط لنجاحه.. ولفرحته.. ولكل خطوة بقوم فيها بهالحياة..

إنّك تكون متل الملاك الحارس ولو عن بعد، حتى ما يحس إنّك عن تخنقه بحرصك..

أنّك تسامح وتتغاضى عن كتير قصص يوميّة بتمرق..

بس تكون عم تعمل كل هالتصرّفات، وزيادة .. تكون عم تحسّ قلبك عم يخفق أكتر وقت تشوفه.. ونفَسَك بينقطع كل ما لمحته.. وبدغدغك شعور من جوّا ما بتعرف تفسره كل ما تذكّرته، أو حتى انذكر شي عنّه..

إنّك تقبل مرّات تحبّه لحالك يمكن..حتى ولو ما كان موجود أو بيعرف.. أو يمكن ما ببادلك نفس الشعور.. أو ظروفكن ما بتخلّيكن تكونوا لبعض.

 

.بس تكون كل هالأمور عم بتصير معك.. أكيد يعني إنّك "مغروم" ومش بس بتحب..

5-10-2017

أضف إلى: Add to your del.icio.us del.icio.us | Digg this story Digg | Post To FacebookFacebook

الإشتراك في تعليقات نظام RSS التعليقات (0 مرسل):

المجموع: | عرض:

أضف تعليقك comment

من فضلك أدخل الكود الذي تراه في الصورة:

  • email أرسل إلى صديق
  • print نسخة للطباعة
  • Plain text نص عادي
الكلمات الدليلية
لا يوجد كلمات دليلية لهذا الموضوع
قيم هذا المقال
0