الرئيسية | كلمة مديرة التحرير | " نيّالها فيك.. ونيّالك فيها..." (عن مهرجانات القبيّات)

" نيّالها فيك.. ونيّالك فيها..." (عن مهرجانات القبيّات)

حجم الخط: Decrease font Enlarge font
image

بقلم مديرة تحرير موقع الشمال دوت كوم #لينا_دياب..

   كل سنة عم نحاول نحسّن المهرجانات، ونتقدّم نحو الأفضل، كرمال كل المعوّدين علينا بعكّار تحديدا، ولبنان بشكل عام. وأكيد الإفتتاحيّة كانت مميّزة مع النجم وائل الكفوري، اللي خصّنا بنقل مباشر عبر شاشة ال ام

تي في  وبإعادة توزيع أغانيه القديمة، وأداء الأغاني الجديدة.

   هيك بدأت السيدة سينتيا حبيش كلمتها لموقع الشمال دوت كوم، وإجابة عن سؤالنا حول النشاط البيئي اللي بلّش قبل المهرجان وبيستمر لبكرا الاثنين، اوضحت حبيش الى انه النشاط ابتدأ ب"هايكنغ" الى "غابة

العذر"، ثم ب" ماونتن بايك" في غابة" كرم شباط" ، ورح يختتم بكرا الاثنين، بزيارة الى" قلعة عكار العتيقة" اللي بتوقع عالحدود اللبنانية- السورية.

   وعن الجمعيّة اللي أسّستها وأنشأت مركز الها ، مُقدّم من الشيخ هادي حبيش، واللي بتُعنى بالشلل الدماغي لدى الأولاد، وبضعف السّمع، والتوحّد، فقالت انه وبحسب الإحصاءات اللي قاموا فيها، وجدوا حالات كتيرة

بالمنطقة تتطلب هالنوع من المراكز، وبأن السكان يعانون من عدم توفرها، ما يتطلّب نزوحهم لمناطق بعيدة للعلاج.

   هيدي كلمة السيدة سينثيا لموقعنا، اللي شكرته لدعمه ولوجوده الدائم في المهرجان ..

أمّا أنا، فاسمحولي اعطي رأيي المتواضع بكل شي شفته، وسمعته.. كنت كتبت قبل بسنة انه القبيات اعادت البوصلة باتجاه عكار، ووضعتها عالخارطة من جديد..

السّنة خلوني ابتدي ووضّح، انه التنظيم ما كان بموقع المهرجان...لأ !

التنظيم كان على امتداد الطّريق من أوّل وصولي الى القبيّات، من خلال نشر حواجز بتساعد الكلّ تيعرفوا طريقهم للمكان المنشود..بكل ذوق واحترام، الكل بيركض ليعطي الإرشادات بكل رحابة وجه للوصول للموقع

اللي كان السنة أكبر واوسع، لاستيعاب الكمّ الهائل من الجمهور.. مسرح لا يقلّ شأنا عن اكبر مسارح المهرجانات في لبنان.. فريق  يعمل كخليّة نحل .. مدرّج تسعد بالنظر اليه بسبب ترتيبه وانتظامه.. ولا انسى

ال"أكشاك" المنتشرة والتي تحوي جميع ما لذّ وطاب من المأكولات والمشروبات، عدا عن الأشغال اليدوية والحرفية ..

   أنا وفايته، لفتني رجل دين ، سمعته عم يقول وهو فرحان: "قالولي يا ابونا هيدا مهرجان غنائي لوائل كفوري ومش ريسيتال! لوين رايح؟؟ "قال لهم: رايح عالقبيّات احضر مهرجانها وانبسط !"

   مسرح القبيّات ولع متل العادة، والناس اللي واقفة وعم تصفّق وترقص، وانا منهم، أكتر من اللي قاعدين..حتّى الرسميين ما استحوا بوقت ونسيوا مواقعهم، وسلطنوا وعبّروا عن فرحتهم..

   المهرجان خلص.. والنا وطالعة عم اسمع التعليقات الإيجابيّة من الجمهور، وعم شوف البسمة على وجوههم، والفرحة مبينة بعيونهم.. وللحقيقة، ما بعرف مين مبسوط اكتر، هنّي لمّا أنا؟!! بس اللي بعرفه، انه الانسان

وقت اللي بدّو يشتغل بيوصل، ووقت بدّو يبيّن منطقته، ويظهرها بيقدر، ووقت اللي بدّو يجيب "زحف بشري" عآخر الدنيي فيه...

   القبيّات ما تعبّت بأهلها وبس.. ولا بولاد المناطق المجاورة.. مهرجانات القبيّات استقطبت النّاس كل لبنان، وكلّه طلع، خصيصا لهالمناسبة، لأنّه بيعرفوا قدّيش بتحرز الطلعة..

   محبّتي لعكّار ما فيها جدل، خصوصا انه جذور والدتي بتنحدر منها، واعجابي فيكي سينثيا شخصا، وعملا، ومجهودا، ما فيي ما قوله وعبّر عنه، دايما، وانت بتعرفي قديش أنا حريصة اني تابعك على الدوام.. لو عنّا

كتار متلك، كانت كل منطقة اخذت حقها صح ومتل ما لازم، ولولا الدّعم اللي عندك من الشيخ هادي، والفرصة اللي اعطاكي اياها لإثبات جدارتك، اكيد كمان ما وصلتي لهون..

   بالختام... "شيخ هادي نيّال القبيّات فيك ... أمّا إنتَ... فنيّالك بالشيخة سينثيا..."

 

13-8-2017     

أضف إلى: Add to your del.icio.us del.icio.us | Digg this story Digg | Post To FacebookFacebook

الإشتراك في تعليقات نظام RSS التعليقات (0 مرسل):

المجموع: | عرض:

أضف تعليقك comment

من فضلك أدخل الكود الذي تراه في الصورة:

  • email أرسل إلى صديق
  • print نسخة للطباعة
  • Plain text نص عادي
الكلمات الدليلية
لا يوجد كلمات دليلية لهذا الموضوع
قيم هذا المقال
0