"مرّات..."

حجم الخط: Decrease font Enlarge font
image

بقلم مديرة تحرير موقع الشمال دوت كوم لينا دياب....

مرّات منتضايق من أشخاص حولنا..

مرّات يمكن نزعل منهم..

مرّات نزعل من حالنا،

لأنه عطيناهم فرصة

 إنهم ينقلولنا طاقة سلبيّة،

 أو يخدعونا بمطرح..

مرّات منقول ماشي الحال،

 ومنحاول نكمّل بحياتنا..

بس مرّات أكثر، هالوجع بيزيد

وهالألم بيكبر..

مرّات الخسارات اللي منواجهها بتعلّم فينا..

بتعلّم بمعنى بتجرحنا وبتترك أثر جوّا..

وبتعلّم كمان بمعنى إنها بتعلّمنا،

وبتخلّينا نكون أقوى وأكثر نضوجا،

لنفتح عيوننا بالمستقبل الجايي..

مرّات منقول طبيعتنا هيّ السبب بأوجاعنا..

بس ما فينا نغيّر من طباعنا..ولا من أخلاقنا..

مرّات منحاول نعطي حالنا فرصة،

لنظرة جديدة لربّما بالدنيي..

مرّات منسكّر الباب ومنقرّر نعيش

بلا وجع راس، بلا وجع قلب..

وبلا أي حدث بيعمل نقلة بحياتنا..

مرّات بتخلص حكاية..

مرّات بتبلّش حكاية..

ومرّات ما منعود نعرف 

البداية من النهاية..

ومنضيع عأطراف هالدنيي..

بس بيضلّ في جوّا بصيص أمل..

وشعلة ما بتقبل تنطفي..

وممكن إنها تطلع لبرّا 

وتحقّق شي.. مرّات...

9-12-2016

 

أضف إلى: Add to your del.icio.us del.icio.us | Digg this story Digg | Post To FacebookFacebook

الإشتراك في تعليقات نظام RSS التعليقات (0 مرسل):

المجموع: | عرض:

أضف تعليقك comment

من فضلك أدخل الكود الذي تراه في الصورة:

  • email أرسل إلى صديق
  • print نسخة للطباعة
  • Plain text نص عادي
الكلمات الدليلية
لا يوجد كلمات دليلية لهذا الموضوع
قيم هذا المقال
0