الرئيسية | كلمة مديرة التحرير | "هوليك الناس..."

"هوليك الناس..."

حجم الخط: Decrease font Enlarge font
image

بقلم مديرة تحرير موقع الشمال دوت كوم لينا دياب..

الناس معادن مختلفة..وأنماطها غريبة..

ورح خص بالذِّكر هلأ،"هوليك الناس"

 اللي بيجرحونا وبيمشوا بطريقهم.."عادي!"

وبفكروا بمطرح، انهم "استغبونا"..

واللي ما بيفهموه،إنو نحنا مش أغبياء!

ولا حتى ما منعرف نقرأ اللي قدامنا منيح..

ولا لأن ما "اختبرنا" الحياة كفاية..لأ !

في قصص ما بتحتاج كثير خبرة..

وفي حكايا بتنقرا من عنوانها..

بس.. في ناس غلاوتهم بأفئدتنا،

وإحساسنا تجاههم،

 بخلونا نتسامح معهم..

مرّة.. ورا مرّة.. ورا مرّة..

ومنصير نفتش لهم على عذر،

مع العلم  إنو بيكون في شي جواتنا

عم يتآكل.. ويتآكل.. ويتآكل..

ومرّات.. منصدّق أعذارهم ،

اللي بيحملوها..

وبيرجعوا لنا فيها..

ومنستقبلهم بإمتنان..

 وببسمة رضا..

وبإحساس دافيء..

وهنّي بيرجعوا بيعيدوا الكرّة،

وحجّتهم إنو نحنا أقوياء..

ومنتحمّل.. وقادرين نتخطّى ألمنا..

وهيك.. يوم..بعد يوم.. بعد يوم..

يمكن معهم حق بمطرح!

لأن نحنا، مندعس على ألمنا..

وجراحنا.. وأفئدتنا..

ومنوقف على إجرينا..

 بكل ثقة وقوّة.. رغم كل شي ..

هيّ إرادة الصمود..وغريزة البقاء..

بهالحياة الصّعبة، اللي كل لحظة،

 بتحاول انها "تطحنّا" و"تمحينا"!

بس منرجع! منطلع الها بكل جروحنا..

و"منبرز" الها "وجوهنا"...

ومنضل عم نتحدّاها..

متل ما منتحدّى حالنا..

 عن جديد !

6-11-2016 

 

 

 

أضف إلى: Add to your del.icio.us del.icio.us | Digg this story Digg | Post To FacebookFacebook

الإشتراك في تعليقات نظام RSS التعليقات (0 مرسل):

المجموع: | عرض:

أضف تعليقك comment

من فضلك أدخل الكود الذي تراه في الصورة:

  • email أرسل إلى صديق
  • print نسخة للطباعة
  • Plain text نص عادي
الكلمات الدليلية
لا يوجد كلمات دليلية لهذا الموضوع
قيم هذا المقال
0